(ВИДЕО) „Погледнете му ја раката, нешто не е во ред“ – Шпекулации за здравјето на Путин

Ново видео на кое рускиот претседател Владимир Путин се ракува со шефицата на движењето „Здрава татковина“, Екатерина Лешчински, повторно ги разгоре гласините за неговото здравје, при што многумина ги забележаа испакнатите вени на неговите раце и необичното ракување.

Рускиот претседател се сретна со Лешчински за да разговара за можноста за забрана на продажбата на електронски цигари во земјата. Кога Путин ја испружи десната рака, многумина забележаа испакнати вени, истакнати тетиви и тенка, збрчкана кожа. Снимката го прикажува рускиот лидер како нервозно ги движи прстите и ги стега во тупаница под ракавот од јакната.

Откако видеото се појави на социјалните мрежи, започнаа шпекулациите, а Украинците веднаш се придружија на коментарите.

Познатиот украински новинар, ТВ водител и блогер Дмитро Гордон рече дека „Путин ги стега рацете во нешто што изгледа како тупаници“.

„Изгледаат отечени и болни, со истакнати вени на едната рака“, рече тој.

Други веруваат дека Путин едноставно покажува нормални знаци на стареење кои наводно се обидува да ги скрие со козметички третмани.

Но, снимката сигурно ги разгоре гласините за здравјето на рускиот претседател, како што беше случај и претходно, а Кремљ отсекогаш жестоко негираше дека Путин е болен.