Пред преполните простории на МВР во кои се сместени рекордните 40 тони запленета марихуана, премиерот Христијан Мицкоски и министерот Панче Тошковски денеска го означија почетокот на досега најголемата пресметка со „канабис-бизнисот“.
Според министерот Тошковски, ова е само прва фаза од истрагата која открила дека неколку фирми произведувале и чувале марихуана целосно надвор од законските протоколи.
„Имаме прилика да ги видиме овие 40 тони марихуана кои се незаконски третирани. Сега се тука, во безбедни простории, и ќе послужат како клучен доказ во постапката“, истакна Тошковски.
Премиерот Мицкоски додаде дека овие „планини од дрога“ се директен резултат на лошите политики од минатото и најави дека денес на владина седница ќе се формира специјален тим за ревизија на сите сомнителни правни лица во овој сектор.