На 2 август 2026 година, во 22:20 часот, во ОВР Гостивар било пријавено дека А.В. (22) од Гостивар бил физички нападнат заедно со неговиот пријател Л.Е.
Според пријавата, нападот се случил истиот ден околу 02:30 часот на улицата „Борче Јованоски“ во Гостивар, кога тројца непознати машки лица ги нападнале двајцата, при што употребиле тврди и дрвени предмети.
За случајот веднаш бил известен дежурен јавен обвинител, а по негови насоки и во координација со надлежен обвинител, полициските службеници од ОВР Гостивар презеле мерки за расчистување на настанот.
По спроведените активности, полицијата ги идентификувала тројцата осомничени за нападот. Во полициска станица на разговор биле повикани двајца малолетници од Гостивар, на кои по наредба на јавен обвинител им биле одземени патните исправи.
Третото лице е В.Д. (20) од Скопје, за кого е испратена телеграма до СВР Скопје за понатамошно постапување.
По целосното документирање на случајот, лицата во текот на утрешниот ден, по итна постапка, ќе бидат изведени пред надлежен судија на претходна постапка.