Пет лица се повредени во напад на руски дронови во текот на ноќта во регионот Одеса, објави Украинската државна служба за вонредни ситуации.
Според соопштението, избувнале големи пожари, гореле две станбени згради, административна зграда и бензинска пумпа, пренесува Укринформ.
Избувнал голем пожар на територијата на пристанишната инфраструктура, гореле контејнери со растително масло, возила и дрвени пелети, јавува агенцијата.
Во отстранувањето на последиците учествувале 83 спасувачи, распоредени се 18 единици противпожарна опрема и противпожарен робот на Државната служба за вонредни ситуации, како и четири волонтери и противпожарно возило.
Шефот на регионалната државна администрација на Одеса, Олег Кипер, извести дека повеќе од 30.000 претплатници останале без електрична енергија.
Russian attack on Odesa last night.
— Anton Gerashchenko (@Gerashchenko_en) October 9, 2025
At least five people injured and massive fires.
Terrible. pic.twitter.com/N0IIxj0ILa