Пред Основниот кривичен суд Скопје, во рамки на судењето за смртта на Ивана Јовановска, вчера сведочеше вештакот по судска медицина, д-р Златко Јаќовски. Тој детално ги образложи наодите од обдукцијата и токсиколошките анализи, кои даваат нова светлина врз случајот.
Според сведочењето на вештакот, кај починатата Јовановска, покрај фаталните повреди настанати при пад од зграда, биле констатирани и крвни подливи во пределот на брадата и вратот. Јаќовски појасни дека станува збор за повреди со различен временски интервал – дел од нив настанале десет дена пред смртта, додека дел се здобиени непосредно пред трагичниот настан.
Токсиколошките анализи на Јовановска, според вештакот, покажале отсуство на алкохол и психоактивни супстанци во нејзиниот организам.
За разлика од жртвата, вештачењето за обвинетиот Стојанче Јовановски покажува присуство на повеќе видови супстанци. Според наодите на д-р Јаќовски, во урината на обвинетиот се констатирани:
- Кокаин: во концентрација од 307,5 ng/ml.
- Бензодиазепини: во концентрација над 1000 ng/ml.
- Други супстанци: присуство на дијазепам, нордијазепам и метаболит на кокаин.