Велика Британија без смртен случај од Ковид-19 првпат од март минатата година
Велика Британија објави дека првпат од март минатата година нема смртни случаи од Ковид-19.
Во последните 24 часа биле пријавени 3.165 новозаразени од коронавирус наспроти 3.383 во понеделникот и 2.493 пред една недела, пренесува Би-би-си.
Извештајот следуваше кога во Велика Британија и во другите земји од ЕУ порасна загриженоста по неодамнешното зголемување на новозаразени случаи од коронавирус поврзани со ширењето на новиот индиски сој.
Дневната стапка на смртност во Велика Британија, како и бројот на луѓе примени во болници, а заразени од коронавирус, бележат пад, велат официјалните власти.
МАКФАКС
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
