Велешанец со 2,5 промили алкохол се забил во мост – полицијата го приведе

Вчера во 17:00 часот, полициски службеници од СВР Велес го лишиja од слобода И.П.(43) од село Владиловци, општина Чашка.

Претходно, на регионалниот пат Велес- село Извор, поточно на мостот на река Бабуна, тој со патничко возило „шкода“ со велешки регистарски ознаки, кое го управувал, удрил во бетонски столб од мостот.

При преземање мерки во врска со незгодата, било констатирано дека го управувал возилото под дејство на алкохол, односно дека има 2,45 промили алкохол во крвта.