Вее снег на повеќе места низ Македонија

Сообраќајот на државните патишта се одвива непречено, по наместа влажни коловози. Слаби врнежи од снег има кај Страцин и на планинскиот премин Ѓавато, но нема пречки во сообраќајот, информира АМСМ во вечерашниот извештај за состојба на патиштата.

Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

31.01.2023 - 18:53

 

 

 

 

 

 

 

Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа

најчитано сега