Фондот на пензиското и инвалидското осигурување (ПИОМ) ги известува корисниците на пензија дека се завршени сите подготовки за исплата на пензиите за месец декември 2025 година.
Поради новогодишниот празник (1 јануари), средствата ќе бидат префрлени до деловните банки на 2 јануари 2026 година.
Обезбедени се 9.289.521.686,00 денари за оваа намена.
Пензија ќе добијат вкупно 340.156 пензионери.
Од ПИОМ нагласуваат дека податоците веќе се доставени до деловните банки, со што се гарантира дека процесот ќе се одвива ефикасно и без доцнење.
„Како институција одговорна за социјалната сигурност на пензионерите, Фондот навремено ги заврши сите подготовки за непречена реализација на исплатата“, стои во соопштението.
Од Фондот ја искористија приликата да им ги честитаат новогодишните и божиќните празници на сите пензионери, посакувајќи им сè најдобро во Новата 2026 година.