Вакцината на Фајзер против коронавирусот пристигна во Велика Британија - дозите сместени во централното складиште на непозната локација

Првиот контингент на вакцината против коронавирусо на американската компанија Фајзер и Бионтег пристигна во Велика Британија.

Вакцините се однесени во централното складиште на непозната локација од каде ќе бидат дистрибуирани во болничките центри за вакцината ширум Обединетото Кралство, пренесува Би-Би-Си.

Британија во средата ја одобри оваа вакцина и нарача 40 милиони дози што ќе биде доволно за вакцинација на 20 милиони луѓе.

Вакцините се произведени во Белгија, а во Британија стигнале преку железничкиот тунел Ламанш.