Трагична несреќа ја потресе турската област Битлис, каде животот го загуби 21-годишна девојка. Како што пренесуваат турските медиуми, несреќата се случила во округот Татван, кога врз младата Ајше Идер паднал голем снежен нанос од покрив на зграда.
Трагедијата е уште поголема бидејќи, според информациите, девојката во моментот на несреќата се движела по улица одејќи на полагање испит. Снегот ненадејно се одвоил од покривот и ја затрупал, нанесувајќи ѝ смртоносни повреди.
Иако локалните жители веднаш повикале помош, а медицинските екипи брзо ја пренеле во државната болница во Татван, лекарите не успеале да го спасат нејзиниот живот и покрај сите напори.
?Bitlis'in Tatvan ilçesinde çatıdan düşen kar ve buz kütlesinin altında kalan 21 yaşındaki Ayşe İder hayatını kaybetti https://t.co/Bcs5z4BaDF pic.twitter.com/4rqQ9yeEvi
— Habertürk (@Haberturk) January 6, 2026