Погребот на првенецот на Македонската опера и балет, баритонот Ристе Велков, ќе се одржи утре, 23 мај 2026 година, на гробиштата во Нерези, известија од НОБ.
Капела во 15.00 часот, погребна церемонија во 16.00 часот.
-Со длабока почит и тага ќе се простиме од нашиот колега, уметник и пријател, чиј исклучителен глас и уметничко творештво оставија неизбришлива трага во македонската оперска уметност, стои во објавата.
Оперскиот баритон Ристе Велков (51), неговиот син Адам Велков и другарите Марко Ѓорѓиевски, Петар Миланов (сите на возраст од 20 години) се четирите жртви во стравичната сообраќајна несреќа што ноќеска се случи на скопската обиколница кај клучката Мирковци.