„Утеха ни на небо ни на земја, животот уште незапочнат најсвирепо згаснат“
Младата 22-годишна модна дизајнерка Фросина Кулакова, која трагично го загуби животот на улицата „Партизанска” во Скопје, денеска ќе биде погребана во родното Неготино. Таткото на Фросина, Тодор Кулаков, преку Фејсбук ги информираше сите пријатели, роднини и колеги за деталите околу погребот.
За сите кои сакаат да и оддадат почит, погребот ќе се одржи попладне, но претходно ќе биде организирана можност за почит во капелата Бутел во Скопје од 10 до 11 часот, како и во капелата во Неготино од 13 до 14 часот.
„Почивај во мир, мила наша, мила да си при Бога, Фросинче“, напиша таткото.
„Животот уште незапочнат, најсвирепо згаснат. Утеха ни на небо ни на земја“, напиша тој во објавата.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
