Унгарскиот министер за надворешни работи и трговија, Петер Сијарто, ја оцени како „одлична“ одлуката на САД за укинување на санкциите врз избраниот претседател на Република Српска, Милорад Додик. Според него, Додик „направи многу за односите меѓу Република Српска и Унгарија“.
„Се надевам дека сите европски колеги ќе ја разберат пораката од оваа одлука“, рече Сијарто на платформата „Икс“.
Министерството за финансии на САД денес ги укина санкциите врз Додик, српската членка на Претседателството на Босна и Херцеговина, Жељка Цвијановиќ, претседателот на Народното собрание на Република Српска, Ненад Стевандиќ, како и други поединци и компании кои беа опфатени со санкции воведени за време на претходната американска администрација.