Украина е победник на Евровизија 2022, Србија го освои петтото место

Вечерва во Торино се одржа големото финале на 66-та по ред Евровизија, а победник на крајот беше Украина.

По гласањето на стручните жирија од 40 земји Велика Британија беше прва со 283 бодови, по што следеше Шведска со 258, а трета беше Шпанија, додека четврта Украина.

Сепак, многу работи сменија гласовите на публиката, па така на прво место се искачи Украина со убедливи 631 бод, втора беше Велика Британија, трета беше Шпанија, четврта Шведска, а петта Србија.