Највисока максимална температура во земјава денеска е измерена во Гевгелија со 36.9 степени, по што следуваат Демир Капија со 36.6, како и Велес и Кавадарци со по 36.3 степени, покажуваат официјалните податоци на Управата за хидрометеоролошки работи (УХМР).
Според измерените температури во 17 часот, најтопло било на мерната станица Зајчев Рид со 35.0 степени, Штип и Демир Капија со 34.9, Велес со 34.2 и Кавадарци со 34.0 степени.
Спротивно на ова, во Струмица попладнево е регистриран пад на температурата до 21.3 степени во 17 часот, иако претходно дневниот максимум достигнал 35.1 степен.
Најниски максимални температури денеска се измерени на планинските места, односно на Попова Шапка (20.2 степени), Крушево (26.2 степени) и Берово (28.2 степени).
Во однос на врнежите во последните девет часа, убедливо најголемо количество дожд е измерено во Струмица со 45.4 литри на метар квадратен.
Помали количини дожд се регистрирани на Зајчев Рид (0.6 л/м²) и во Маврови Анови (0.1 л/м²).