Променливо облачно и нестабилно време, на повеќе места со пороен дожд, грмежи и засилен северен ветер со брзина над 50 километри на час, најавуваат синоптичарите за денеска.
Според официјалните информации, локално процесите ќе бидат поинтензивни во форма на невреме со пообилен пороен дожд, грмежи и силен ветер кој ќе надминува 60 километри на час, а постојат и услови за изолирана појава на град.
Минималната температура во земјава се очекува да биде во интервал од 9 до 16, додека максималната ќе достигне од 21 до 28 Целзиусови степени.
Во Скопје и околината се очекува слично променливо облачно и нестабилно време со пороен дожд и грмежи, а во делови од котлината ќе има услови за краткотрајно невреме со интензивен пороен дожд, засилен ветер и изолирана појава на град.
Температурата во главниот град ќе се движи од минимални 14 до максимални 26 Целзиусови степени.
Што се однесува до следните денови, од Управата за хидрометеоролошки работи информираат дека во текот на новата седмица времето ќе биде сончево и топло со мала до умерена облачност, но во попладневните часови повторно ќе има локална појава на нестабилност со пороен дожд, грмежи и засилен ветер.