Највисока температура во 14:00 часот денеска е измерена на мерната станица Скопје-Петровец, каде се регистрирани 36,7 степени Целзиусови.
Според официјалната табела на Управата за хидрометеоролошки работи (УХМР), веднаш зад Скопје следуваат Велес и Демир Капија со измерени 36,6 степени, како и Кавадарци каде се измерени 36,5 степени.
Високи температури се забележани и во Куманово со 36,4 степени, Штип со 35,6, Гевгелија со 35,5 и Струмица каде живата во термометарот достигнала 35,4 степени.
Во останатите градови температурите се движеле од 32,6 степени во Крива Паланка, 33 во Прилеп и Охрид, 33,2 во Битола, 34,4 во Тетово и 34,5 степени во Виница.
Најсвежо во 14:00 часот било на Попова Шапка со измерени 21 степен, во Крушево со 28,5 и Берово каде се измерени 31,7 степени.
Според соопштението на УХМР, на мерните станици во Пожаране, Маврови Анови, Лазарополе, Тополчани и Зајчев Рид нема достапни податоци за измерените температури во овој термин.