УХМР најавува температурен пресврт - метеоролозите соопштија какво ќе биде времето деновиве
Времето утре ќе биде променливо облачно со сончеви периоди. Утринската температура ќе се движи од 2 до 11, а дневната од 15 до 24 степени, информираат од УХМР.
Метеоролозите за во петок и сабота најавуваат зголемена облачност со услови за локален дожд во северните и североисточните делови од земјава. Ќе дува умерен до засилен ветер од северен правец, особено вдолж Повардарието, а дневните температури ќе опаднат за неколку степени.
Утринската температура во петок ќе биде во интервал од 4 до 12 степени, а дневната од 13 до 20 степени. Во сабота утринската температура ќе изнесува од -1 до 7 степени, а дневната ќе се движи од 14 до 20 степени.
Во наредните денови времето ќе биде претежно стабилно со пониски утрински температури, велат од УХМР.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа