Управата за хидрометеоролошки работи (УХМР) најавува промена на временската состојба започнувајќи од овој викенд. Од сабота, нашата земја ќе биде под влијание на циклонска активност која ќе донесе претежно облачно време.
Според синоптичарите, се очекуваат повремени локални врнежи од дожд во пониските предели, додека на планините и во некои од повисоките населени места врнежите ќе бидат од снег.
Она што е карактеристично за овој бран е тоа што, и покрај врнежите, температурите ќе бидат во пораст. Ова се должи на умерен до засилен ветер кој ќе дува претежно од јужен правец, што ќе донесе потопла воздушна маса, но и влажност.