На 19 август 2026 година во 17:40 часот во Берово, полициски службеници од ОВР Берово го лишиле од слобода Љ.М. (62) од село Русиново, беровско.
Претходно, тој со патничко возило „форд“, кое го управувал, удрил во паркирано возило, а потоа и во ограда од двор на куќа.
При преземањето на мерки, полицијата констатирала дека Љ.М. управувал под дејство на алкохол. Со алкотест му биле измерени 2,62 промили алкохол во крвта.
Извршен бил увид на местото на настанот, а за случајот бил известен јавен обвинител. По целосното документирање на настанот, ќе следува соодветна пријава.