Турција и Грција си разменија сочувство

Турскиот претседател Реџеп Таип Ердоган и грчкиот премиер Кирјакос Мицотакис во петокот разменија сочувство за загубите на животите предизвикани од силниот земјотрес што ги погоди нивните земји.

„Без оглед на нашите разлики, ова се моменти кога нашиот народ треба да застане заедно“, додаде Мицотакис.

И Ердоган изрази подготвеност за помош доколку Грција доколку има потреба.

Турскиот претседател одговори и на објавата на Мицотакис.

„Ви благодарам, господине премиер. Искажувам сочувство на цела Грција во име на мене и на турскиот народ. И Турција е секогаш подготвена да и помогне на Грција да ги залечи раните. Дека двајца соседи се солидаризираат во тешки времиња е повредно од многу работи во животот“, напиша Ердоган на Твитер.