Тројца повредени во сообраќајна несреќа на автопатот Скопје – Тетово
Вчеравечер, во 23 часот, во СВР Скопје било пријавено дека на обиколницата на град Скопје, на автопатот Скопје – Тетово, по клучката кај Волково, се случила сообраќајна несреќа помеѓу патничко возило „фолксваген туран“, со скопски регистарски ознаки, управувано од 35-годишниот М. Љ. од село Копаница, Скопско, патничко возило „рено клио“, со тетовски регистарски ознаки, управувано од 64-годишниот Ќ. З. од Тетово, и товарно возило „мерцедес“ со полуприколка, со гостиварски регистарски ознаки, управувано од 50-годишниот А. Ф. од Гостивар, извести МВР.
„Во несреќата тешки телесни повреди добиле М. Љ. и сопатничка од возилото ‘рено клио’, С. З. (61) од Тетово, а телесни повреди добил Ќ. З., констатирани во Градската општа болница ‘8 Септември’ и комплексот клиники ‘Мајка Тереза’“, соопшти МВР.
Извршен бил увид од екипа на СВР Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
