Американскиот претседател Доналд Трамп, во изјава за „Еј-би-си њуз“, покажа неочекувана прагматичност по изборниот пораз на неговиот близок сојузник Виктор Орбан. Наместо критики за изборниот процес, Трамп му даде поддршка на новоизбраниот унгарски премиер Петер Маѓар, нарекувајќи го „добар човек“.
Трамп призна дека Орбан веќе подолго време заостанувал зад својот противник и нагласи дека не е загрижен за ваквиот исход. Иако минатата недела имаше кратко телефонско вклучување на митинг во Унгарија, американскиот претседател појасни дека овојпат не бил максимално вклучен во кампањата.