Американскиот претседател Доналд Трамп, во интервју за Њујорк пост, откри нови детали за операцијата насочена кон апсење на венецуелскиот претседател Николас Мадуро. Според неговите тврдења, американските сили во текот на акцијата користеле софистицирано тајно оружје кое целосно ја онеспособило одбраната на Венецуела.
На прашањето дали САД примениле технологија со енергетски импулси, Трамп потврди дека бил употребен уред што тој го нарече Дискомбобулатор, со цел да се неутрализира воената опрема на непријателот.
Дискомбобулатор. Немам право да зборувам за тоа, посочи Трамп, појаснувајќи дека оваа технологија предизвикала венецуелското оружје едноставно да престане да функционира во клучните моменти од операцијата.
Претседателот на САД истакна дека венецуелските сили, и покрај поседувањето на руско и кинеско вооружување, не успеале да пружат никаков отпор. Тие никогаш не успеаја да ги лансираат своите ракети. Имаа руски и кинески ракети и никогаш не полетаа. Влеговме, тие ги притиснаа копчињата и ништо не работеше, наведе Трамп во интервјуто.
Покрај откритијата за Венецуела, Трамп упати и нови предупредувања до нарко-картелите во регионот. Тој повторно се закани со воени напади против криминалните организации, вклучително и оние кои оперираат на територијата на Мексико.