Американскиот претседател Доналд Трамп соопшти дека САД извршиле напад врз пристаниште во Венецуела, означувајќи ја првата копнена операција од почетокот на воената кампања против трговијата со дрога. Изјавата на Трамп дојде синоќа од неговата резиденција Мар-а-Лаго, каде што беше домаќин на израелскиот премиер Бенјамин Нетанјаху.
Трамп посочи дека целта била објект кој се користи за товарење на дрога на бродови, нагласувајќи дека по силната експлозија, областа е целосно уништена.
„Имаше голема експлозија во пристаништето каде што бродовите се натоварени со дрога. Значи, ги погодивме сите бродови и сега ја гаѓаме областа и таа е исчезната“, изјави Трамп.
Иако Белата куќа не откри детали, светските медиуми пренесуваат дека нападот бил извршен со дрон на ЦИА, насочен кон изолирано пристаниште на картелот „Трен де Арагва“. Според првичните информации, во објектот немало луѓе во моментот на нападот, па затоа нема регистрирано жртви.