Американскиот претседател Доналд Трамп денеска посочи дека неодамна разговарал со севернокорејскиот лидер Ким Џонг Ун, откако најави дека САД ќе ги намалат воените вежби со Јужна Кореја.
Одговарајќи на прашање од новинарите во Овалната соба на Белата куќа зошто Ким Џонг Ун не реагирал на вчерашната одлука на Трамп за намалување на воените вежби со Јужна Кореја, американскиот претседател рече дека севернокорејскиот лидер сепак „реагирал“, објави „Ројтерс“.
„Ким Џонг Ун отсекогаш се однесувал кон мене со голема почит и се сретнавме во неколку наврати, всушност два големи, и разговаравме и поминавме време. Го разбирам. Тој ме разбира мене. Она што го правам е да ги направам работите побезбедни“, рече Трамп.
Трамп претходно најави намалување на воените вежби со Јужна Кореја, потег што доаѓа во чувствителен период во односите со Северна Кореја.