Американскиот претседател Доналд Трамп, десет дена пред изборите за Конгресот, синоќа изјави дека „Ауди“ планира да изгради фабрика вредна четири милијарди долари во сојузната држава Џорџија, која би произведувала околу 200.000 теренски возила годишно.
За да ги охрабри автомобилските компании да го преместат производството во САД, Трамп ги зголеми царините за автомобили, автоделови, челик и алуминиум. Тој ја најави новата фабрика на „Ауди“ на предизборен митинг во Пери, централна Џорџија, каде што луксузниот бренд автомобили на „Фолксваген“ има намера да изгради фабрика.
Златен „Ауди“ со регистарски таблички на производителот беше паркиран пред местото на одржување на митингот на Трамп.
Сите возила наменети за американскиот пазар „Ауди“ моментално ги увезува од Европа или Мексико, па царините на Трамп минатата година ѝ предизвикаа на компанијата загуба од 1,2 милијарди евра.
На изборите на 3 ноември, Џорџија избира гувернер и член на Сенатот. Трамп ги уверува гласачите дека неговите царини за производителите на автомобили ѝ помагаат на американската економија, додека противниците на царините тврдат дека тие дополнително ги зголемиле цените на возилата.