Трагедија во Рим: Почина 13-годишно момче со прострелна рана во главата

13-годишно момче кое во саботата вечерта се здоби со прострелни рани во главата во неговиот дом во Рим, почина рано утринава во градската болница Сан Камило, соопштија извори.

Полицијата ја истражува смртта на детето, а се сомнева дека случајно се застрелал, пренесува Анса.

Пиштолот му припаѓал на братот на починатото момче, кој имал дозвола да го користи за спортски цели, велат изворите.

Момчето во моментот на пукањето било дома со својот татко, но според извори било во друга соба кога пукнал пиштолот.

Слушајќи истрел, таткото влегол во просторијата што ја делел неговиот син со еден од неговите браќа и го нашол како лежи на подот.