Најмалку 40 лица го загубија животот, а 119 се повредени во катастрофалниот пожар што избувна во 1:30 часот по полноќ во популарниот бар „Ле Констелејшн“ (Le Constellation) во швајцарскиот ски-центар Кран-Монтана.
Драми во подрумот и тесниот излез Според сведоштвата и првичните сознанија, во барот имало голем број млади луѓе кога избувнал пожарот. Ситуацијата станала хаотична кога толпата, во паника, се обидела да избега од подрумските простории. Бегството било отежнато поради тесните скали и само едната тесна врата. Во очај, дел од присутните кршеле прозорци за да се спасат од густиот чад и пламенот. Сведоците опишуваат и експлозии, за кои се претпоставува дека биле предизвикани од испуштање на запаливи гасови под влијание на топлината.
Масивна спасувачка операција Шефот на полицијата, Фредерик Гислер, изјави дека одговорот на службите бил масивен. „Во спасувачката операција учествуваа 13 хеликоптери, 42 амбулантни возила, 150 болничари и 70 пожарникари“, информираше Гислер.
Досега се идентификувани 113 од вкупно 119 повредени. Меѓу нив има државјани од целиот свет, вклучително и од нашиот регион: 4 Срби и еден Босанец. Најбројни се Швајцарците (71), а повредени се и Французи (14), Италијанци (11), Азијци (14), како и по еден државјанин на Белгија, Луксембург, Полска и Португалија.