Двегодишно девојче во Бразил загина по пад во река и напад од пирани, јавуваат локалните медиуми. Несреќата се случила во близина на градот Коари, во регионот Амазон.
Девојчето живеело со семејството во пловечка куќа и си играло пред домот кога паднало низ отвор на конструкцијата и се нашло во водата. Родителите веднаш влегле да ја бараат и ја пронашле, но таа веќе не покажувала знаци на живот.
Телото било пренесено на судска медицина, а случајот е пријавен во полиција. Надлежните служби спроведуваат истрага за да се утврдат сите околности на трагичниот настан.
Овој инцидент потсетува на претходни слични случаи во регионот. Во 2023 година, повеќе лица беа повредени во напад од пирани во одморалиштето Тарума-Асу, северно од градот Манаус, кога капачи во плитки води се здобиле со повреди на нозете и стапалата.