Триесет и осумгодишен маж го загуби животот при извршување градежни работи во скопското село Кондово, откако претрпел струен удар и паднал на земја.
Како што информираат од СВР Скопје, несреќниот случај бил пријавен вчера околу 14:00 часот.
Според полициските информации, М.Б. (38) од селото Студеничани работел на куќа во изградба кога доживеал струен удар, по што паднал.
Лекар од екипата на Итната медицинска помош на местото на настанот констатирал смрт.
Полициски службеници извршиле целосен увид на локацијата на инцидентот.
По насоки на дежурниот јавен обвинител, телото на починатиот работник е предадено на Институтот за судска медицина за да се изврши обдукција.