Тинејџери за пари запалиле хеликоптер во Русија

Двајца тинејџери во областа Омск во Западен Сибир се уапсени и обвинети за тероризам поради палење хеликоптер, објави прес-службата на регионалниот суд, пишува „Москва тајмс“.

Каналот на „Телеграм“, „База“, вчера објави видео на кое еден од тинејџерите признава дека упаднал во хелиодромот и го запалил хеликоптерот.

Двајцата тинејџери тврдат дека непознато лице, кое ги контактирало на „Телеграм“ и им дало инструкции, им понудило 20.000 долари.

Но, пораките наводно биле избришани, а 16-годишниците никогаш не ја добиле ветената исплата. Тие сега се соочуваат со обвиненија за тероризам и се во административен притвор од два месеца.

Ова е втор подметнат пожар на хеликоптери во Русија за еден месец.