Тешка сообраќајка во Скопје- повредени три лица
Три лица повредени во сообраќајка во Скопје, откако се судриле автомобил и товаро возило.
-На 01.12.2020 во 14.20 часот било пријавено дека на ул.„Јустинијан Први“ во Скопје се случила сообраќајна незгода помеѓу патничко возило „дачиа сандеро“, со скопски регистарски ознаки, управувано од И.Ј.(45) од Скопје и товарно возило „пежо“, со скопски регистарски ознаки, управувано од Ј.В.(39) од Скопје, во која бил удрен и пешакот М.С.К.(28) од Скопје - информираат од МВР.
Во незгодата, со тешки телесни повреди се здобил сопатникот од возилото „дачиа сандеро“ А.Б.(60), а со телесни повреди се здобиле возачот И.Ј., сопатничка од истото возило М.Б.(49) и пешакот М.С.К., констатирани во Комплексот клиники „Мајка Тереза“.
Извршен бил увид на местото на незгодата од увидна екипа од СВР Скопје.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа