Пет лица, меѓу кои и малолетници, се повредени во две одделни сообраќајни несреќи што се случија изминатото деноноќие во Скопско и Кочанско. Заедничко за двете несреќи е што возилата, марка „Фолксваген Голф“, излетале од патот.
Потешката несреќа се случила рано утрово кај кочанското село Прибачево, каде возач со 1,39 промили алкохол во крвта изгубил контрола. Во овој инцидент тешко се повредени 25-годишен сопатник и двајца малолетници.
Претходно, доцна синоќа во скопско Ново Село, уште еден „Голф“ излетал од патот, при што тешко е повреден 26-годишен скопјанец.
„На 20.12.2025 во 05:35 часот во ОВР Кочани е пријавено дека на локалниот пат с.Оризари – с. Прибачево… патничко возило „фолксваген голф“… управувано од В.С.(25) од с. Прибачево излетало надвор од коловозот. Во несреќата со тешки телесни повреди се здобил сопатникот Т.Ј.(25) од с. Прибачево и уште двајца малолетни сопатници… Кај возачот утврдено е дека истиот го управувал возилото под дејство на алкохол односно му биле измерени 1,39 промили алкохол во крвта“, велат од МВР за несреќата во Кочани.