Таравари: Шест пациенти денеска се враќаат од странство, тројца се уште се во критична состојба
Министерот за здравство, Арбен Таравари на денешната прес-конференција, соопшти дека испишани од скопските болници ќе бидат 5 пациенти, а 9 ќе останат, шест пациенти се враќаат од странство, 2 од Бугарија, 2 од Шпанија и 2 од Унгарија кои што се стабилни и добри.
Министерот информираше дека надвор од државава ќе продолжат да се лекуваат 69 пациенти од коишто тројца пациенти се се уште во критична состојба и нестабилна.
-Пациентот којшто почина, Александар Карадаковски беше на 29-годишна возраст. Тој во Литванија на лекување замина на 17-ти март, изјави Таравари.
Директорот на болницата „Свети Наум Охридски болница“, Д-р Небојша Настов, изјави дека изгорениците на починатиот Карадаковски не биле воопшто мали, вкупната површина на изгореници била 36% од телото со длабочина од втори и трет степен.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
