Шпанскиот тенор Хозе Kaрерас доаѓа во Скопје на 1. септември. Владата и Аволон Продукција го соопштија второто големо име покрај Дејвид Гета, со кое продолжува серијата манифестации за одбележување на 35-години од независноста на Македонија. Светската оперска ѕвезда на градскиот плоштад ќе настапи рамо до рамо со најголемите македонски ѕвезди.
Настанот ќе го отвори оркестарот на Филхармонја. Потоа ќе настапат домашните ѕвезди Каролина Гочева, Влатко Стефановски, Калиопи, Наум Петрески, Сузана Спасовска и Игор и Ана Дурловски, за Kaрерас да ја заокружи манифестацијата.
„Сум била досега неколкупати дел од ваквите прослави, со големо задоволство сум настапувала. Сега ми е особено драго што освен нашите музички ѕвезди, ќе ни се придружи и еден музички великан од светската сцена“, изјави Каролина Гочева.
„Единствена прекрасна ѕвезда ќе биде нашата прекрасна Македонија којашто ќе има прилика да го угости еден од најголемите тенори на сите времиња. Тоа е голем момент, вистински момент, што Kaрерас ќе стапне на светата земја, Македонија, земја на музиката, земја на многу талентирани гласови и музичари“, изјави пејачката Калиопи.
Колку пари ќе не чинат музичките ѕвезди од владата не прецизираат. Велат дека таа информација ќе биде соопштена откако ќе бидат најавени сите музички програми поради простоење на договорни клаузили.