Десетици луѓе се приведени на насилните демонстрации во главниот град на Нигерија, Абуџа, на кои се бараше ослободување на сепаратистичкиот лидер Намди Кану.
Според новинарите и очевидци за време на судирите со демонстрантите полицијата употребила солзавец, водени топови, но се слушнале и истрели.
Кану е лидер на сепаратистичката група на домородното население на Бијафра, која бара независност за југоисточниот регион на Нигерија. Етничката група Игбо тврди дека е маргинализирана од нигериската влада.
Кану, кој има британско државјанство, е во притвор од 2015 година, кога првпат беше уапсен и обвинет за тероризам и предавство.
Нигериски суд неодамна нареди негово судење откако го отфрли неговото барање за ослободување врз основа на тоа што нигериската Влада нема докази против него.