Со завршувањето на проектот „Месеци на практикантство“, денеска ќе се одржи завршен настан на кој ќе бидат презентирани искуствата на студентите што беа дел од иницијативата.
На настанот ќе се обратат градоначалникот на Општина Гази Баба, Бобан Стефковски, и директорката на Агенцијата за иновации, научно-технолошки развој и претприемништво – ИНОВА, Даниела Димовска.
Во рамки на програмата е предвиден разговор со студентите кои практичната работа ја реализираа во своите матични општини. Иницијативата е спроведена во соработка со ИНОВА и Министерството за локална самоуправа.
Од ИНОВА посочуваат дека преку практикантската работа студентите добиле можност за стекнување конкретно работно искуство, запознавање со функционирањето на локалната самоуправа и примена на стекнатите знаења во реална работна средина.
На завршниот настан студентите ќе ги споделат своите впечатоци и искуства, а ќе се разговара и за значењето на практикантството за нивниот професионален развој и за поголемото вклучување на младите во локалната заедница.