Студенти од Крагуевац даруваат крв за повредените во Кочани

Студенти од сите факултети на Универзитетот во Крагуевац денеска учествуваат во доброволна крводарителска акција за повредените во пожарот во Кочани, јави МИА.

Одделението за трансфузија на Универзитетскиот клинички центар во Крагуевац беше преполно од осум часот наутро, а студентите истакнаа дека на тој начин сакаат да им помогнат на повредените пациенти од Кочани, но и да ги поттикнат сите граѓани да се приклучат на оваа акција и да даруваат крв.

Собраните крвни единици првенствено се наменети за повредени граѓани на Северна Македонија, а се што е собрано повеќе од потребните количини ќе остане во Одделението за трансфузија на УКЦ Крагуевац, објавија студентите.