Најниска температура утрово е измерена на Попова Шапка, каде термометрите покажаа -5 целзиусови степени. Студено и под нулата беше и во Битола, Берово, Маврови Анови, Прилеп, Крушево и Претор.
На нулата утрово се разбудија жителите на Петровец, Охрид, Штип, Велес и Крива Паланка, додека најтоплото утро е регистрирано во Гевгелија со измерени 4 степени.
Синоптичарите за денеска најавуваат променливо облачно време со сончеви периоди. Наместа ќе има услови за повремен слаб дожд, а на планините од слаб снег. Ќе дува слаб до умерен ветер од променлив правец. Максималната дневна температура ќе се движи во интервал од 7 до 13 степени. Во Скопје времето ќе биде слично, со максимална температура до 10 степени.