Кандидатот за уште еден мандат и актуелен градоначалник на Ѓорче Петров Александар Стојкоски најави изградба на нов дом за пензионери.
– Највозрасните сограѓани – нашата сила, мудрост и инспирација за иднината! Најубаво е кога си меѓу луѓе исполнети со животно искуство и мудрост – нивните зборови и предлози секогаш носат вредност и насока. Токму од нив произлезе идеата за нов пензионерски дом ВО Ѓорче Петров, рече Стојкоски.
Пензионерскиот дом ќе биде со површина од 1800 м2 и капацитет за сместување од 80 до 100 лица и ќе содржи и заеднички простории за активности околу 200м2.
– Продолжуваме да ја негуваме оваа соработка и да ги слушаме нивните предлози – затоа што само така градиме иднина што ја почитува минатото и се грижи за сегашноста. Тие го заслужуваат најдоброто внимание и грижа, најави првиот човек на Ѓорче.