Јована Алексиќ од Србија, која се бори со меланом во напредна фаза, ќе биде првата личност во светот што ќе започне третман со новата руска персонализирана вакцина против рак. Веста ја потврди д-р Сергеј Бољевиќ од Универзитетот „Сеченовск“ во Москва, појаснувајќи дека не станува збор за клиничко испитување, туку за директен третман.
Процесот на подготовка на вакцината започнува во понеделник во познатиот Институт „Гамалеја“. Третманот е специфичен по тоа што секоја доза е персонализирана – се создава врз основа на генетските податоци од клетките на туморот на самиот пациент.
Лекот ги учи имуните клетки на пациентот да ги препознаваат и уништуваат исклучиво канцерогените клетки, без да ги оштетуваат здравите.
Пациентот прима 10 дози на секои две недели.
Првите резултати во повлекувањето на туморот може да се забележат веќе по втората или третата доза.