Србија: Дојави за бомби во скоро 100 училишта - надлежните на терен
Утрово, многу белградски училишта добиле извештаи за поставени бомби, јавуваат српските медиуми. Според написите, известени биле надлежните служби и било потребно да се изврши претрес од страна на специјализирани екипи.
Според сознанијата на редакциите на Н1 Белград и РТС, извештаите стигнале до основните училишта „Краљ Петар Втори Караѓорѓевиќ“ на улица Маруличева, Владимир Роловиќ, Ѓура Јакшиќ, Данило Киш, Свети Сава, Дринка Павловиќ, Коста Абрашевиќ во Ресник, и Караѓорѓе на Карабурма и во уште неколку белградски и земунски училишта. Дојави, според последните информации од овие медиуми, пристигнале во вкупно 97 училишта.
За пријавата биле информирани надлежните служби и претстои претрес од страна на специјализирани екипи, информираат од РТС. Во некои училишта проверките биле веќе завршени и се покажало дека пријавите се лажни.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа