Турските безбедносни сили зададоа силен удар на Исламска држава, приведувајќи 115 лица кои се осомничени дека планирале крвави напади за време на божиќните и новогодишните прослави. Канцеларијата на главниот обвинител во Истанбул денеска соопшти дека операцијата е спроведена по прецизни разузнавачки информации.
Според полицијата, цел на терористите требало да бидат локации каде се прославуваат празниците, со посебен акцент на заедниците на немуслимани. Во големата акција извршени се рации на дури 124 локации низ Истанбул, при што е запленето и огнено оружје со муниција.
Полицијата сè уште трага по преостанатите осомничени од списокот, додека безбедносните мерки во градот се подигнати на највисоко ниво.