Собранието денеска се очекува да даде „зелено светло“ за воведување на системот „Безбеден град“. Со поддршка од двотретинско мнозинство, по претходен договор меѓу Мицкоски и Ахмети, камерите во Скопје, Тетово и Куманово веќе нема само да снимаат, туку ќе почнат и да „удираат“ по џебот на несовесните возачи.
Што треба да знаете пред 1 февруари? Во првата фаза, „окото“ на МВР ќе ги лови следните прекршоци:
- Брзо возење (со воведена толеранција како на полициските радари);
- Минување на црвено светло на семафор;
- Непрописно паркирање низ градските сообраќајници;
- Истечена регистрација (неважечка сообраќајна дозвола).
Додека СДСМ остана на ставот дека нема да го поддржи законот поради страв од злоупотреба на податоците, министерот Тошковски порача: „Девет човечки животи се спасени само во тест-периодот“.