На денешното рочиште за случајот „Онкологија 2“, претставник од Државниот завод за ревизија (ДЗР) ги соголи слабостите и незаконското работење на Клиниката за онкологија во текот на 2021 година. Според сведочењето, набавката на скапата биолошка терапија не била резултат на стручни одлуки, туку на „историски податоци“, што отворило огромен простор за субјективност и фаворизирање на пациенти.
Клучни наоди од ревизорскиот извештај:
- Нема медицински протоколи: Клиниката немала правила кој пациент смее да прима биолошка терапија – одлуката била оставена на поединци.
- Набавка „на реверс“: Лековите се набавувале пред да се склучат договори за јавни набавки, со што се кршело начелото на конкуренција.
- Селективна терапија: Медицинскиот директор давал одобренија без да знае дали има доволно лекови за сите, создавајќи ризик терапијата да не биде еднакво достапна за сите болни.