Словенија подготвена да понуди помош по трагедијата во Тетово
Претседателот Стево Пендаровски оствари телефонски разговор со Претседателот на Република Словенија, Борут Пахор.
„Во разговорот, претседателот Пахор во свое лично име и во име на граѓаните на Република Словенија изрази најдлабоко сочувство до семејствата и блиските на загинатите во синоќешниот пожар во модуларната болница во Тетово и посака побрзо опоравување на повредените“, информираат од кабинетот на Пендаровски.
Во разговорот претседателот Пахор изразил солидарност и истакнал дека Република Словенија е подготвена да понуди секаква помош доколку е потребна.
Помош по трагичниот настан во Тетово понуди и претседателот на Република Србија, Александар Вучиќ, изразувајќи сочувство за загубените животи.
Редакцијата на Press24 не сноси никаква одговорност за коментарите. Бидејќи се генерираат преку Facebook за нив важат правилата и условите на социјалната мрежа
