Вчера во 14:10 часот во с.Љуботен, штипско, полициски службеници од СВР Штип го лишија од слобода М.Е.(43) од с.Љуботен поради сомнение за сторено кривично дело „предизвикување општа опасност“ по член 288 од Кривичниот законик.
Имено, според пријавеното, на 24.09.2025 го чистел својот двор, по што надвор од дворот запалил стари предмети и трева. Откако изгореле предметите си заминал без да го локализира местото, односно го оставил во чад.
На 25.09.2025 околу 12:00 часот, од ветер местото повторно се запалило, при што биле опожарени помошен објект во неговиот двор, дел од куќа со разновиден земјоделски алат, сопственост на М.С.(47) од Штип, дел од куќа со нерасчистени имотно-правни односи, гаража и дел од куќа, сопственост на В.Ѓ.(47) од Штип, дрвен електричен столб, сопственост на Р.Р.(61) од Штип и неколку хектари нискостеблести растенија и сува трева.
Актуелно
- Муцунски: Нема и нема да има договор со ОК за прием на мигранти или одбиени баратели на азил
- Муцунски за повлекувањето на Мицкоски во 2029: Потег за почит
- Извештај МЦМС: МВР е институција со најголема доверба меѓу граѓаните за справување со корупцијата
- Зеленски: Основниот пакет документи за мировен план е подготвен
- Ѓорѓиевски: Подароци за најчистите души
- Косово официјално доби противтенковско оружје од Германија
- Петрушевски: 2026 година ќе биде во знак на владеење на правото, правосудството ќе го водат професионалци
- Повторно блокиран Евзони
