Сите загинати во фаталната сообраќајка биле патници: Се враќале од работа

Тројцата загинати во фаталната сообраќајка на патот Скопје-Велес, биле патници во комбето. Неофицијално Прес24 дознава дека станува збор за лица кои се враќале од работа, а комбето припаѓа на приватна компанија. 

Во меѓувреме, откако се превртело комбето пред тунелот, пет лица се борат за живот и итно се транспортирани во болница.

За потсетување, како што објавивме претходно, комбето се превртело во 17.45 часот. 

„Досега е констатирана смрт кај три лица, а пет се пренесени во болница за укажување помош. На лице место се упатени полициски екипи и јавен обвинител, изјавија од МВР за Прес24.

Скопје-Велес е се уште затворен за сообраќај. Полициските екипи се на терен и прават увид на местото на несреќата.